بەرپرسی پرۆژەکانی کۆمپانیای خالید شینکی رایگەیاند، هەر کارگوزارێک داوای پارەی جەژنانە لە هاوڵاتییان بکات سزادەدرێت.
ئامانج حیسامەدین بەرپرسی پرۆژەکانی کۆمپانیای خالید شینکی بە تۆڕی میدیایی ئێستای راگەیاند، داواکردنی پارەی جەژنانە و لێدان لە دەرگای ماڵان لەلایەن کارگوزاری کۆمپانیاکانەوە قەدەغەیە، هەر کۆمپانیایەک کارگوزارەکانی ئەو کارە بکەن بە بڕی 500 هەزار دینار سزای دارایی دەدرێن و جگە لەوەش کارگوزارەکە خۆی سزادەدرێت.
ئاماژەی بەوەشکرد، پێدانی جەژنانە بە ئارەزوومەندانە لەکاتی جەژن و جگە لەو کاتەش ئاساییە و ناتوانین رێگای لێبگرین، چونکە جاری واهەبوو بینیومانە هاوڵاتییان خۆیان کارگوزارەکانیان راگرتووین و پێیان خۆشبووە هاوکارییان بکەن.
