ئەنجومەنی شارەوانیی سلێمانی كۆبوونەوەی ئاسایی خۆی ئەنجامدا و تەئكید لەخێراتركردنی كارەكانی شەقامی 100 مەتریی سلێمانی كرایەوە.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەنجومەنی شارەوانیی كۆبووەوە و چەند تەوەرێك گفتوگۆی لەبارەوە كراوە.
لە كۆبوونەوەكەدا بانگهێشتی ئەندازیاری سەرپەرشتی شەقامی 100 مەتریی شاڕێی بابان كرا بۆ روونكردنەوەی چۆنییەتی بەڕێوەچوونی كارەكانی ئەم رۆژە ستراتیژییە و دواتر خێراتركردنی كارەكانی ئەم شەقامە گرنگە بە شەو و ڕۆژ جەختی لەسەر كرایەوە و هەروەها خێراتركردنی كاری رووناكیی و ستوونەكانی كارەبای بە پێویستزانرا.
هەر لە راگەیەندراوەكەدا هاتووە، دواتر ئەندامانی ئەنجومەن داوایان لە ئەندازیاریی سەرپەرشتیاركرد، كە هەر 30 رۆژ جارێك یاداشتی چۆنیەتی كارەكانی بەرەو پێشچوونی شەقامەكە بخاتە بەردەست ئەندامانی ئەنجومەن.
