قائیمقامیەتی چەمچەماڵ رایگەیاند، رێگای 10 گوندی ناحیەی سەنگاو نۆژەندەکرێتەوە”.
قائیمقامیەتی قەزای چەمچەماڵ، لە راگەیەندراوێکدا بڵاویکردەوە، کارکردن لە پرۆژەی نۆژەنکردنەوەی رێگای 10 گوندی ناحیەی سەنگاو بەردەوامە کە بریتییە لە تێکەڵەڕێژکردن بە درێژایی 11 کیلۆمەتری رێگای گوندەکانی (کارێزەی دەلۆ، خێڵ ئاخە، جامڕێز، تا دەگاتە ئاوەسپی) کە جگە لەم گوندانە حەوت گوندی دیکە لێی سودمەند دەبن بە گوژمەی 90 ملیۆن دینار لەسەر بودجەی ئاسایی (پێشینەی مانگانەی فەرمانگە) بە ئامێرەکانی بەڕێوەبەرایەتیی چاککردن و پاراستنی رێگاوبان جێبەجێدەکرێت، بڕیارە هەفتەی داهاتوو کارەکانی تەواوبکرێن”.
لە راگەیەندراوەکەدا هاتووە، “ساڵی رابردوو لە سنووری چەمچەماڵ زیاتر لە 30 پرۆژی رێگاوبان جێبەجێکراون و بەشێکیشیان بەردەوامن بە گوژمەی پێنج ملیار دینار، ئەمساڵیش لەبەرنامەدایە ژمارەیەک پرۆژەی رێگاوبان لە سنوورەکە جێبەجێبکرێن”.
