بۆردی راگەیاندنی یەكێتی لە راگەیەندراوێكدا بڵاویكردووەتەوە لەمەودوا هەواڵەكانی كوشتن و توندوتیژی بڵاونەكاتەوە و رایبگرێت.
بۆردی راگەیاندنی یەكێتیی نیشتمانیی كوردستان لە راگەیەندراوێكدا بڵاویكردووەتەوە بە رۆحیەتێكی بەرپرسیارانەوە بڕیاریدا هەواڵەكانی كوشتن و توندوتیژی بڵاونەكاتەوە و رایبگرێت، ئەو هەواڵانە رووماڵ نەكات و بەدوایدا نەچێت كە باسی مەرگ و كوشتنی هاوڵاتییان لە كوردستان دەكات و خەریكە دەبێتە دیاردەیەكی مەترسیدار.
هاوكات بۆردی راگەیاندنی یەكێتیی نیشتمانیی كوردستان راشیگەیاند، بۆ ماوەیەكی دیاریكراو لە سەرجەم كەناڵە میدیایەكانی سەر بە بۆردی راگەیاندن بڵاوكردنەوەی هەواڵی كوشتن رادەگرین و چونكە جگە لەوەی كاریگەریی نەرێنی دەكاتە سەر دەروونی تاكەكانی كۆمەڵگە، دەبێتە هۆی چاولێكردن و لاسایكردنەوە بەمەش رێژەی كوشتن و توندوتیژییەكانی خێزانی روو لە هەڵكشان دەبێت.
