بەڕێوەبەرایەتیی گشتیی كارەبای سلێمانی لە راگەیەندراوێكدا بڵاویكردەوە، لە سنووری هەردوو بەڕێوبەرایەتیی دابەشكردنی كارەبای رۆژهەڵات و رۆژئاوای سلێمانی 362 هەزار و 526 هاوبەشی كارەبا هەن و، لەو ژمارەیەش 85 هەزار و 50 هاوبەش هیچ قەرزێكیان لانیە.
ئاماژەی بەوەشكرد، بەپێی ئامار و داتاكانی بەشی كاروباری وزەی هەردوو بەڕێوەبەرایەتی دابەشكردنی كارەبا تائێستا 362 هەزار و 526 هاوبەشی كارەبا هەن و 299 هەزار و 774 هاوبەشیان ماڵانن، 46 هەزار و 439 هاوبەشی دیكە بازرگانین، 714 هاوبەشی پیشەسازی، 12 هەزار و 553-یان هاوبەشی كشتوكاڵی و سێ هەزار و 46 هاوبەشی دیكە هاوبەشی میریین (حكومین).
بەپێى ئامارەکەى کارەباى سلێمانى قەبارەی قەرزی هاوبەشانى کارەبا، بەمجۆرەیە:
– 85 هەزار و 50 هاوبەش: هیچ قەرزێكیان لانیە.
– 58 هەزار و 467 هاوبەش: كەمتر لە 100 هەزار قەرزارن.
– 83 هەزار و 477 هاوبەش: دوو بۆ پێنج ملیۆن قەرزارن.
– 15 هەزار و 156 هاوبەش: پێنج بۆ 10 ملیۆن قەرزارن.
– 133 هاوبەش: سەروو 10 ملیۆن قەرزارن.
