سەرۆك وەزیرانی عێراق هاتنەوەی جەژنی نەورۆز لە گەلی كورد و عێراقییەكان پیرۆز دەكات و رایدەگەیەنێت، “نەورۆز ئەو رۆژەیە كە پەیوەندی خۆشەویستی و چارەنووسی هاوبەش و مێژوویەكی مەزنمان بیردەخاتەوە”.
محەمەد شیاع سودانی لە پەیامەكەیدا رایدەگەیەنێت، گەرمترین پیرۆزبایی ئاڕاستەی رۆڵەكانی گەلی عێراق بە گشتی و گەلی كوردمان بەتایبەتی دەكەین، بەبۆنەی هاتنەوەی جەژنی نەورۆزەوە.
دەشڵێت، “خودای گەورە بە خێر و خۆشی بیگێڕێت و بەهیوای بەردەوامبوونی ئاسایش و سەقامگیری لە عێراقدا، كە بەهەوڵی هەموو پێكهاتەكانی گەلە تەباكەی بەرەو سبەینێیەكی گەشاوەتر دەڕوات”.
لە كۆتایشدا، سەرۆك وەزیرانی عێراق رایدەگەیەنێت، “نەورۆز ئەو رۆژەیە كە پەیوەنديی خۆشەویستی و چارەنووسی هاوبەش و مێژوویەكی مەزنمان بیردەخاتەوە، ئەمەش هەموو عێراقییەكان لە سەرانسەری وڵاتەكەماندا بەیەكەوە دەبەستێتەوە”.
