دوای ئەوەی هەواڵی سوتاندنی چەند تانکەرێک لە شاری کەلار بڵاوبووەوە پۆلیسی سنوورەکە رایگەیاند، تۆمەتباری رووداوەکەیان دەستگیرکردووە.
بەڕێوەبەرایەتیی پۆلیسی گەرمیان بڵاویکردەوە، دوای ئەوەی شەوی دووشەممە لە نزیک شارەوانی قەزای کەلار ئۆتۆمبێلێکی بارهەڵگر سووتا، دوێنێش سێشەممە لەگەڕەکی ئەندازیاران و گەڕەکی ئازادی قەزای کەلار
تانکەرێک و ئۆتۆمبێلێکی دیکەی بارهەڵگر سووتان، دەستبەجێ مەفرەزەکانی پۆلیس و ئاسایشی کەلار لێکۆڵینەوە و بەدواداچوونیان دەستپێکرد.
ئاماژەی بەوەشکرد، بە سوودبینین لە کامێرای چاودێری توانرا تۆمەتبار بەناوی ( ب – ف -ح ) لە دایکبووی ساڵی 2007 دەستگیربکرێت کە هەستابوو بە سووتاندنی ئۆتۆمبێلەکان.
ئاشکراشیکرد، لە ئێستادا بە بڕیاری دادوەر پەڕاوی لێکۆڵینەوەی بۆ کراوەتەوە و لێکۆڵینەوە لە رووداوەکە دەستیپێکردووە.
