لە ئەنجامی هێرشکردنە سەر بنکەیەکی پۆلیس لە شاری کەرکوک پۆلیسێک کوژرا.
پەیامنێری تۆڕی میدیایی ئێستا لە شاری کەرکوک گواستییەوە، بەرەبەیانی ئەمڕۆ لە دەوروبەری کاتژمێر 5:00 کەسێک هێرشیکردووەتە سەر بنکەی پۆلیسی قۆرییە و بەچەقۆ پۆلیسێکی کوشتووە.
ئاماژەی بەوەشکرد، دوای رووداوەکە پۆلیسەکانی دیکەی بنکەکە تەقەیان لە هێرشبەرەکە کردووە و کوشتوویانە.
ئاشکراشیکرد، بەپێی زانیارییەکان هێرشبەرەکە بەخشراو بووە.
