کارەبای سلێمانی رایگەیاند، بەهۆی سەرپێچییەوە کارەبای ژمارەیەک دوکانی بازاڕی دارەسووتاوەکە بڕدرا و سزای پێبژاردنیان بۆ ئەنجامدرا.
ئەمڕۆ دووشەممە، بەڕێوەبەرایەتیی گشتی کارەبای سلێمانی رایگەیاند، بەهۆی سەرپێچیکردن و نەبوونی مۆڵەتی یاسایی هاوبەشیکردن، کارەبای 10 دوکانی بازاڕی دارەسووتاوەکە بڕدرا.
ئاماژەی بەوەشدا، بڕیارەکە لە چوارچێوەی هەڵمەتێکی لیژنەی دەستتێوەردانی (یەک)ەوە بە هاوکاری بەشی ئێشکگری هۆبەی کارەبای ناوەندی شار و پۆلیسی کارەبا ئەنجامدراوە.
ئەوەشی خستەڕوو، دوای پشکنین لەتۆڕی دابەشکردنی کارەبای بازاڕی دارەسووتاوەکە 10 دوکان بەهۆی ئەنجامدانی کاری سەرپێچی بۆ سەر تۆڕی کارەبا و نەبونی مۆڵەتی یاسایی هاوبەشیکردن کارەباکەیان بڕدرا و بە پێبژاردن سزادران.
