وەزارەتی دارایی هەرێم لەبارەی مووچەی مانگی دوو، كەسوكاری شەهیدان و ئەنفالكراوان ئاگاداردەكاتەوە.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، لەگەڵ ئەوەی بە پێی خشتەی راگەیەنراومان ڕۆژی یەكشەممە 16ی ئازار مووچەی مانگی دووی كەسوكاری شەهیدان و ئەنفالكراوان دابەشدەكرێت، بۆ ئەو بەڕێزانەی لەو رۆژەدا بەهۆی بەشدارییان لە ساڵڕۆژی كیمیابارانی هەڵەبجە ناتوانن مووچەكانیان وەربگرن، رۆژانی دواتر دەتوانن سەردانی بانكەكان بكەن و مووچەكانیان وەربگرن.
هەر لە راگەیەندراوەكەدا هاتووە، سەرجەم بانكەكانی سەر بە وەزارەتمان لە خزمەت كەسوكاری شەهیدان و ئەنفالكراوان دەبن.
