رێکخراوی وڵاتانی هەناردەکاری نەوت (ئۆپیک) رایگەیاند، نرخی نەوت لە مانگی شوباتدا دابەزینی بەرچاوی تۆمارکردووە و گەیشتووەتە 76 دۆلار و 81 سەنت بۆ هەر بەرمیلێک.
ئۆپێک لە راپۆرتی مانگانەی خۆیدا ئاماژەی بەوەکرد، نرخی نەوتی خاوی برێنت بە رێژەی 4.3% دابەزیوە و گەیشتووەتە 74 دۆلار و 95 سەنت، نرخی نەوتی خاوی تێکساسیش بە رێژەی 5.2% دابەزیوە و گەیشتووەتە 71 دۆلار و 21 سەنت.
هاوکات پێشبینیی ئەوەش دەکات، لە هەردوو ساڵی 2025 و 2026دا، خواستی جیهانیی نەوت بە رێژەی 1.4 ملیۆن بەرمیل لە رۆژێکدا گەشەبکات، لەگەڵ بەشداریی زیاتری وڵاتانی دەرەوەی رێکخراوی OECD.
