وەزارەتی کارەبای حکومەتی هەرێم رایگەیاند، بەهۆی کارەبای 24 کاتژمێرییەوە نزیکەی 400 مۆلیدە لە هەولێر کوژاونەتەوە.
ئەمڕۆ چوارشەممە، وەزارەتی کارەبای حکومەتی هەرێمی کوردستان رایگەیاند، بەهۆی پڕۆژەی کارەبای 24 کاتژمێرییەوە (رووناکی) لە شاری هەولێر نزیکەی 400 مۆلیدەی ئەهلی کوژێنراونەتەوە.
ئاماژەی بەوەشداوە، ئەو کاریگەرییەی لەلایەن 400 مۆلیدەکەوە لەسەر ژینگە بوونی دەبێت، یەکسانە بە نەهێشتنی 60 هەزار بارهەڵگر لەسەر شەقامەکان.
هاوکات، کۆی گشتی ئەو گەڕەکانەی لە شاری هەولێر بەشداریان لە پڕۆژەی کارەبای 24 کاتژمێریدا کردووە، 21 گەڕەک و 77 هەزار و 500 هاوبەشن، ژمارەی دانیشتوانیشیان دەگاتە 265 هەزار هاوڵاتی.
