تایڵۆر گرین، ئەندامی كۆماریخوازانی ئەمریكا لە كۆنگرێس، داوادەكات جۆ بایدن لە پۆستی سەرۆكایەتی لابدرێت.
گرین، بایدن و خانەوادەكەی بە ئەنجامدانی “تاوانی گەندەڵی” تۆمەتباردەكات و لە تویتێكدا دەڵێت، “داوایەكم پێشكەشكرد بۆ لەكارلادانی سەرۆك جۆ بایدن، با بزانین چی ڕودەدات و ئەنجامەكەی چی دەبێت.”
ئەو ئەندامەی كۆنگرێس نووسیویەتی، “بایدن بۆ پۆستی سەرۆكایەتیی شیاونییە و مێژوویەكی دوورودرێژ و نیگەرانكەری هەیە لە خراپ بەكارهێنانی دەسەڵات ئەوكاتەی جێگری سەرۆك ئۆباما بوو.”
تایڵۆر گرین بە هێرشێكی توند بۆسەر ئیدارەكەی بایدن كۆتایی بە تویتەكەی هێناوە و ڕایگەیاندووە، “ڕێوڕەسمی كردنی بایدن بە سەرۆك، وەك دەستگرتنی وڵاتێكی سەربازیی خاوەن یەك حزب بوو بەسەر 30 هەزار سەربازدا.”
