باڵیۆزی ئەرمینیا لە عێراق رایگەیاند، بە هەموو شێوەیەک پاڵپشتی لە خوێندکارە عێراقییەکان دەکەین و دەرفەتی زیاتر لە نێوان عێراق و ئەرمینیا دەرەخسێندرێت.
ئەمڕۆ سێشەممە، رۆبن سوغیان باڵیۆزی ئەرمینا لە عێراق لە چاوپێکەوتنێکیدا لەگەڵ میدیا عێراقییەکان رایگەیاند، لە ئێستادا بەرەو قۆناغی بوژانەوە و باشترکردنی پەیوەندییەکانی عێراق و ئەرمینیا هەنگاودەنێین و بە رێژەیەکی بەرچاو هاوکارییەکانمان بۆ یەکتر زیاتر دەکەین.
ئاماژەی بەوەشداوە، گۆڕانکاری و ململانێ ناوچەیی و جیهانییەکان کاریگەریی نەرێنیان لەسەر پەیوەندیی نێوان عێراق و ئەرمینیا دروستنەکردووە و بەڵکو بە پێچەوانەوە پەیوەندییەکانمان بەرەوپێش چوون.
ئەوەشی خستەڕوو، لەماوەکانی داهاتوودا هەوڵدەدەین لەچەند باوارێکی گرنگدا هەمانگی و پڕۆژەی هاوبەشمان هەبێت، وەک تەکنەلۆجیا، کشتوکاڵ، پڕۆژەی بازرگانی و ئاڵوگۆڕ، زیرەکی دەستکرد و وزەی خاوێن، کەرتی پەروەردە و خوێندن.
لەکۆتاییدا وتیشی، “ئەرمینیا یەکێکبووە لەو وڵاتانەی لەماوەی چەند ساڵی رابردوودا لەلایەن چەندین خوێندکاری عێراقییەوە بە مەبەستی درێژەدان بە خوێندن سەردانکراوە، هەربۆیە لەو چوارچێوەیەدا هەموو جۆرە پاڵپشتییەک بۆ خوێندکارە عێراقییەکان دەردەبڕین و هاوکارییان دەبین.
