شاخەوان عەبدوڵا، جێگری سەرۆكی ئەنجومەنی نوێنەرانی عێراق رایگەیاند، ئەوەی وەزیری دارایی عێراق دەیکات بەردەوام نابێت و پەرلەمانتار و حکومەتی هەرێم قبووڵی ناکەن.
شاخەوان عەبدوڵا لە لێدوانێکدا بۆ رۆژنامەنووسان رایگەیاند، بە نوسراوی بانکی ناوەندیی عێراق، زانیاریی فەرمانبەران دەبێت لەنێوان فەرمانبەران و ئەو بانکانەی مووچەکانیان تێدا دەدرێت، پارێزراوبێت.
وتیشی، وەزارەتی دارایی عێراق لە کۆتایی مانگدا بیانوو دەدۆزێتەوە بۆئەوەی مووچە دوابخات.
ئاماژەی بەوەشکرد، ئەوەی کە تەیف سامی، وەزیری دارایی عێراق دەیکات سیاسەتە و پەرلەمانتاران و حکومەتی هەرێمیش قبووڵی ناکەن.
