10 ی ئازاری هەموو ساڵێک لە هەرێمی کوردستان وەک رۆژی جلوبەرگی نەتەوەیی ناسراوە و بەو بۆنەیەوە زۆرینەی هاوڵاتییان بە جلی نەتەوەیی خۆیانەوە دەچنە سەر کارەکانیان.
رۆژی جلی نەتەوەیی لە ساڵی 2010ەوە لەلایەن وەزارەتی پەروەردەی هەرێمەوە دەستنیشانکراوە داوای لە خوێندکاران و مامۆستایان کرد لەم رۆژەدا بە جلوبەرگی نەتەوەیی خۆیانەوە دەوام بکەن.
بۆ ئەمساڵ لە بەشێک لە ناوەندەکانی خوێندن بەهۆی ئەوەی رۆژی جلی نەتەوەیی کەوتووەتە مانگی رەمەزانەوە، خوێندکاران لە پۆشینی جلە نەتەوەییەکانیان ئاگادارنەکراونەتەوە، بەڵام لە بەشێکی دیکەیاندا گرنگیان بە رۆژەکە داوە جگە لەوەی خوێندکاران و مامۆستایان بەو پۆشاکانەوە روویان لە خوێندنگەکان کردووە رێورەسم و چالاکی تایبەتیشیان هەیە.
