سەرۆک کۆماری عێراق رایدەگەیەنێت، راپەڕینی ئازاری ساڵی 1991، وەرچەرخانێک بوو بەرەو رزگاربوون لە نادادپەروەری و ستەمکاری.
د. لەتیف رەشید، سەرۆک کۆماری عێراق لە بەیاننامەیەکدا رایگەیاند، “لە 34ـەمین ساڵڕۆژی راپەڕینی جەماوەریی شاری سلێمانی لە 7ی ئازاری 1991 و شارەکانی کوردستان و باشووری وڵات، قوربانییە گەورەکانی گەلی سەربەرزمان وەبیردێنینەوە، لە دژی ئەو نادادپەروەری و ستەمکارییەی کە لەلایەن رژێمی پێشووەوە دەکرا، چونکە ئەم قوربانیدانانە بووە هۆیرزگارکردنی شارەکانی ناوچەکە و ناوچە فراوانەکانی باشوور لە چنگی رژێم”.
ئاماژەی بەوەشکرد، “یەکەم پریشکی ەاپەڕین لە شاری ەانیە دەستیپێکرد، دەروازەی راپەڕین لە پارێزگای سلێمانی، کە خاڵی وەرچەرخانی پێکهێنا بەرەو رزگارکردنی شارەکانی دیکە لە نادادپەروەری و ستەمکاری و دامەزراندنی سیستمێکی پەرلەمانیی دیموکراسی و فرەیی، بەو هیوایەی ئەم بۆنەیە ببێتە خاڵی دەستپێک بۆ بەهێزکردنی یەکڕیزی لەنێوان گەلەکەمان و هێزە سیاسییەکان. دروود بۆ گیانی پاکی شەهیدانی راپەرینی 1991 و درود بۆ گیانی پاکی شەهیدانی عێراق”.
