بەرۆژوو بوون سەرەڕای ئەوەی سوودێكی رۆحی و جەستەیی بە مرۆڤ دەبەخشێت، بەڵام گرنگیشە لەوە تێبگەین كە دەبێت تەندروستی خۆشمان بە باشی و جێگیری بهێڵینەوە.
بەپێی توێژینەوەیەكی وێبسایتی فیوژن هێڵس، كە تایبەتە بە توێژینەوە و بنكۆڵكارییە تەندروستییەكان، رەمەزان و بەڕۆژوو بوون سەرەڕای سوودە تەندروستی و رۆحییەكانی، بەڵام بەهۆی گۆڕانكاری لە شێوازی نوستن، كات و شێواز و رۆتینی خۆراك هۆكار گەلێكن دەبن بۆ ئەوەی گۆڕانكاریی ریشەیی بەسەر جەستەدا بێت.
ئاماژەی بەوەشكردووە، لەسەر رۆژووانان پێویستە ئاگاداری چەند گۆڕانكارییەك بن بەتایبەتی وشكبوونەوەی جەستە، دابەزینی شەكر و پەستانی خوێن و كێشەكانی كۆ ئەندامی هەرس.
هەر لە توێژینەوەكەشدا ئەوەشخراوەتەڕوو، لەپێناو هێشتنەوەی بە تەندروست هێشتنەوەی تەندروستی جەست، پێویستە؛ لە ماوەی رۆژوو شكاندن تا پارشێوو بڕێكی زۆر ئاو بخورێتەوە و لەو ماوەیەشدا ئەو بەرهەمانە نەخورێنەوە كە بە كافیینەكان دەوڵەمەندن.
ئاشكراشیكردووە، خواردنی سووپ، خەیار و میوە دەوڵەمەندەكان بە رێژەی ئاو؛ لەسەر رۆژووانان پێویستە لە پارشێویشدا بەهۆی ماوەی دورودرێژی بەرۆژووبوونیانەوە لە خواردنەكانیاندا هەمەجۆری بكەن بەتایبەت كاربۆهێدراتەكان (گەنم، جۆ و برجی قاوەیی)، پڕۆتینەكان (هێلكە، ماست و پاقلەمەنییەكان) و چەورییە سوود بەخشەكان لە نموونەی ئەڤۆكادۆ، چەرەسات و زەیتی زەیتوون.
