وتەبێژی یەکێتی رایگەیاند، ” چەند بڕگەیەکی کەم بۆ رێککەوتنی یەکێتی و پارتی بۆ پێکهێنانی حکومەت ماون، بەڵام یەکێتی گرەنتی دەوێت”.
سەعدی ئەحمەد پیرە، وتەبێژی یەکێتیی نیشتمانیی کوردستان، رایگەیاند، “هیچ نەماوە لە کۆبوونەوەکانماندا باسمان نەکردبێت و لە کۆبوونەوەکەی رۆژی چوارشەممەی هەفتەی رابردووی نێوان یەکێتی و پارتیدا، کۆتایی بە زۆربەی بڕگەکانی رەشنووسی رێککەوتنی پێکهێنانی حکومەت هێنراوە، و چەند بڕگەیەکی کەم بۆ رێککەوتنی هەردوولا بۆ پێکهێنانی حکومەت ماون، بەڵام یەکێتی گرەنتی دەوێت”.
ئاماژەی بەوەشکرد، “بۆ پێکهێنانی کابینەی نوێ سەرۆکی حکومەت و جێگرەکەی بەیەکەوە رادەسپێردرێن، هەرکامێک لەو دوو کەسە دەست لەکاربکێشێتەوە حکومەت بە هەڵوەشاوە دادەندرێت”.
