رووداوێکی هاتوچۆ لە قەزای کفری روویدا و بەهۆیەوە سێ کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، دواینیوەڕۆتی ئەمڕۆ لە نزیک بەنزینخانەی میر لە قەزای کفری ماتۆڕسکیلێکی سێ تایەوە و بارهەڵگرێک لە جۆری کیا بەیەکیاندادا و بەهۆیەوە سێ کەس برینداربوون.
ئاماژەی بەوەشکرد، بریندارەکان شۆفێر و سەرنشینی ماتۆڕسکیلەکە بوون و ئەندامی یەک خێزانن، رەوانەی نەخۆشخانە کراون و لێکۆڵینەوە لە رووداوەکە دەستیپێکردووە.
