بەڕێوەبەرایەتیی هاتوچۆی گەرمیان رایدەگەیەنێت، ئەمشەو لەسەر رێگای کەلار – خانەقین، بەهۆی پێکدادانی دوو ئۆتۆمبێلەوە سێ کەس برینداربوون.
بەپێی راگەیەندراوێکی هاتوچۆی گەرمیان کە وێنەیەکی دەست تۆڕی میدیایی ئێستا کەوتووە و تێیدا هاتووە، ئەمشەو پێنجشەممە، دوو ئۆتۆمبێل لە جۆرەکانی جیلی و شۆفرلێت – ئەڤیۆ، لەسەر رێگای کەلار – خانەقین پێکیاندادا و بەهۆیەوە شۆفێری ئۆتۆمبێلە جیلی-یەکە و شۆفێر و سەرنشینێکی ئۆتۆمبێلە ئەڤیۆ-یەکە برینداربوون.
دەشڵێت، سەرجەم بریندارەکان رەوانەی نەخۆشخانەی خانەقین کران و لێکۆڵینەوە لە رووداوەکە بەردەوامە.
