بەڕێوەبەرایەتیی گشتیی تەندروستیی ئیدارەی سۆران رایدەگەیەنێت، كردنەوەی دەرمانخانە، نۆرینگە و سەنتەری پزیشکی، لەو ئیدارەیە سنورداردەکرێن.
بەڕێوەبەرایەتییەکە لە راگەیەندراوێکدا دەڵێت، لە پێناو کۆنترۆڵکردنی کوالێتی و جێبەجێکردنی رێنماییەکانی تەندروستی لە سنوری ئیدارەی سەربەخۆی سۆران، بە بڕیاری د. کامەران مەلا محەمەد، بەڕێوەبەری گشتیی تەندروستیی سۆران، لەمەودوا بۆ کردنەوەی دەرمانخانە، تاقیگەی پزیشکی، نۆرینگەی یاریدەدەری پزیشکی و سەنتەری پزیشکی، دەبێت لەلایەن لیژنەی تەندروستیی بەڕێوەبەرایەتییەکە، هەڵسەنگاندنیان بۆ بکرێت.
دەشڵێت، هەڵسەنگاندنەکە لەڕووی هەبوونی مەرجەکانی تەندروستی، شوێنی جوگرافی و شوێنی کارکردنیان دەبێت، دواتر لارینەبوونیان پێبدرێت و لەلایەن سەندیکا پەیوەندیدارەکانەوە مۆڵەتی کارکردنیان پێدەدرێت.
