بەهۆی ئەو شەپۆلی بەفر و بارانبارینەی رووی لە ناوچەكانی هەورامان كردووە و پلەكانی گەرما دابەزیوە، بڕیاردرا سبەی لە سنووری ناحیەی بیارە و تەوێڵە و گوندەكانی دەوروبەری بكرێتە پشوو.
بەپێی راگەیەندراوێكی پارێزگای هەڵەبجە كە وێنەیەكی دەست تۆڕی میدیایی ئێستا كەوتووە و تێیدا هاتووە، بەهۆی ئەو شەپۆلە بەفر و بارانبارینەی رووی لە ناوچەی هەورامان كردووە و پلەكانی گەرما دابەزین بەخۆوە دەبینێت، سبەینێ لە سنووری ناحیەی بیارە و تەوێڵە و گوندەكان، پشووی رەسمی دەبێت لە سەرجەم دامەزراوەكانی حكومەت و خوێندنگە و باخچەكانی سنووری ناحیەكەدا.
هەر لە راگەیەندراوەكەدا هاتووە، ئەم پشووە ئەو خوێندكارانە ناگرێتەوە كە تاقیكردنەوەی تەمهیدیان هەیە و لە دەرەوەی ناحیەكە ئەنجامیدەدەن.
