بەڕێوەبەرایەتیی ئاسایشی هەولێر رایدەگەیەنێت، دەست بەسەر بڕی 25 ملیۆن دینار دراوی ساختەی عێراقیدا گیرا.
بەپێی راگەیەندراوێكی بەڕێوەبەرایەتیی ئاسایشی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، لە لایەن تیمەكانمانەوە و بە فەرمانی دادوەری لێكۆڵینەوەی ئاسایشی هەولێر تۆمەتبارێك دەستگیركرا كە بڕی 25 ملیۆن دینار دراوی ساختەی عێراقی لابووە.
هەر لە راگەیەندراوەكەدا هاتووە، ئەم دراوە ساختەی لە دەرەوەی هەرێمی كوردستانەوە هێنراوە و بەنیازبوون لە بازاڕەكانی هەرێمی كوردستان ساغیبكاتەوە.
جێگەی باسە تۆمەتبا ,چەند جارێكی دیكە بەهەمان شێوە دراوی ساختەی لابووە و لە شارەكانی خواروی عێراق ئەم دراوە ساختانەی ساغكردووەتەوە.
