سەڵاحەدین بابەکر، وتەبێژی یەکگرتووی ئیسلامیی کوردستان رایدەگەیەنێت، محەمەدی حاجی مەحمود، سەرۆكی پارتی سۆسیال دیموكراتی كوردستان تۆمەتی خستووەتە پاڵیان و مافی خۆیشیانە رێکاری یاسایی بگرنەبەر.
سەڵاحەدین بابەکر لە پەیامێکدا نوسیویەتی، “بەداخەوە کاکە حەمە تۆمەتێکی خستووەتە پاڵمان، تۆمەت بەخشینەوە و ناوزڕاندن پیشەی کەسانی شکستخواردووە و زۆریشمان بیستووە و بە شیاوی وەڵاممان نەزانیوە، بەڵام پێمان ناخۆشە ئەو بەڕێزە بچێتە ئەو ئاستە”.
دەشڵێت، “لە وەڵامدا دەڵێین، ئەوە تۆمەتە و تەشهیرە و مافی خۆمانە رەدی بدەینەوە و رێکاری یاساییش بگرینە بەر بۆ گێڕانەوەی مافی خۆمان. حەقوایە لایەنی پەیوەندیداریش کە حکومەتە هەڵوێستی خۆی روونبکاتەوە و راستییەکە دەربخات”.
