وەزارەتی ناوخۆی هەرێم رایگەیاند، “هەواڵی رێوشوێنەکانی وەرگرتنی ڤیزا راست نییە”.
وەزارەتی ناوخۆی هەرێم لە راگەیەندراوێکدا بڵاویکردەوە، هەندێک دەنگۆ دەربارەی گۆڕانی رێوشوێنەکانی وەرگرتنی ڤیزا لە سۆشیال میدیا بڵاوبوونەتەوە، دوورن لە راستی و هیچ بنەمایەکیان نییە”.
دەشڵێت، “میوانان و گەشتیاران دەتوانن وەکو جاران لە رێی بەکارهێنانی پۆرتاڵی سەردان یان داواکاریی تایبەت، داوای ڤیزای کوردستان بکەن و هاوڵاتییانی وڵاتانی لیستی A وەکو جاران دەتوانن لە کاتی گەیشتن لە فڕۆکەخانە و دەروازە نێودەوڵەتییەکان ڤیزا وەربگرن”.
