لە هەولێر دووەمین دیداری یەکێتیی بەڕێوەدەچێت و بەرپرسێکی یەکێتی نوێترین زانیارییەکان رادەگەیەنێت.
ئازاد گۆمەشینی، بەرپرسی کۆمیتەی 17ـی یەکێتیی نیشتمانیی کوردستان، لە لێدوانێکدا بۆ تۆڕی میدیایی ئێستا رایگەیاند، دیداری یەکێتی پلان و بەرنامەیەکی نوێیە لەپێناو خۆگونجاندن لە ئاست گۆڕانکارییە ناوچەیی و نێودەوڵەتییەکاندا و پاڵپشت بە پەیڕەوی ناوخۆی یەکێتی بەڕێوەدەچێت.
وتیشی، دیدارەکە بە سەرپەرشتی قوباد تاڵەبانی، لێپرسراوی سکرتارییەتی سەرۆک مام جەلال بەڕێوەدەچێت.
ئاماژەی بەوەشدا، یەکێتی خاوەنی پێگەیەکی بەهێزی ناوخۆیی و ناوچەییە و توانیویەتی لەگەڵ داخوازییەکانی هاوڵاتییاندا خۆی بگونجێنێت.
