ئەمڕۆ سێشەممە 11ی شوباتی 2025 نرخی زێڕ ئاستێکی نوێی مێژووی تۆمارکرد، بە جۆرێک یەک ئۆنسە زیڕ بە دوو هەزار و 942 دۆلار مامەڵەی پێوەکرا.
هەر ئەمڕۆ لە بازاڕەکانی هەرێمی کوردستان مسقاڵێک زێڕی عەیارە 21 بە 618 هەزار دینار مامەڵەی پێوەدەکرێت.
پێشبینیدەکرێت لە گرێبەستەکانی داهاتوودا نرخی ئۆنسەیەک زێڕ بە دوو هەزار و 966 دۆلار مامەڵەی پێوەبکرێت.
شارەزایانی بوارەکە هۆکاری ئەو بەرزبوونەوەیە لە نرخی زیڕیان بۆ بڕیارێکی دوێنێی دۆناڵد ترەمپی سەرۆکی ئەمریکا گەڕانەوە کە پێناسی گومرگیی بەسەر هەموو بەرهەمێکی ئەلەمنیۆم و ئاسن دا سەپاند، کە هاوردەی ئەمریکا دەکرێن.
هۆکارێکی دیکەش وڵاتی چینە کە بەرنامەیەکی تاقیکاریی دەستپێکردووە و رێگە بە کۆمپانیاکانی بیمە دەدات بۆ یەکەمجار زێڕ بکڕن، ئەمەش ئەگەری هەیە رێگە بۆ وەبەرهێنان بە بڕی ملیارەها دۆلار لەو کانزایەدا خۆشبکات و ئەوەش وادەکات نرخەکەی زیاتر بەرزببێتەوە.
