فەرمانگەی میدیا و زانیاری و حكومەتی هەرێم رایگەیاند، لە درێژەی پڕۆسەی دابەشكردنی زەوی بەسەر فەرمانبەردا قۆناغی دووەمی پێدانی زەوی بەسەر فەرمانبەراندا دەستپێدەكات.
لە راگەیەندراوەكەی فەرمانگەی میدیا و زانیارییدا هاتووە، مامەڵەی وەرگرتنی قۆناغی دووەمی پێدانی زەوی بۆ 27 وەزارەت و فەرمانگە تەواوبووە كە تێیدا 240 هەزار و 111 فەرمانبەر لە وەرگرتنی زەوی سوودمەنددەبن.
ئاماژە بۆ ئەوەش كراوە، پێدانی زەوی هەموو ناوچەكانی هەرێمی كوردستان دەگرێتەوە، لە فەرمانبەرانی هەولێر، سلێمانی، دهۆك، هەڵەبجە، سۆران، راپەڕین، گەرمیان و زاخۆ.
