هێزە ئەمنییەكان لە بازگەکانی سماقوڵی و دێگەڵە رێگرییان لە مامۆستایان و فەرمانبەران كرد كە بچنە ناو شاری هەولێرەوە.
بەپێی زانیارییەكانی تۆڕی میدیایی ئێستا، كەمێك پێش ئێستا هێزە ئەمنییەكان لە بازگەی سماقوڵی رێگریان لە مامۆستایان و فەرمانبەرانی گەرمیان، چەمچەماڵ و كۆیە كرد كە بچنە هەولێرەوە و ناسنامەكانیان لێوەرگیراوە.
هەر بەپێی زانیارییەكان، لە ئێستادا هەوڵەكانی مامۆستایان و فەرمانبەران لە بازگەی سماقوڵی بۆ چوونە ناو شاری هەولێر بەردەوامە، هاوکات بەشێک لە مامۆستا و فەرمانبەرانى شار و شارۆچکەکانى دیکە گەیشتوونەتە دێگەڵە و چاوەڕوانى گەیشتنى خۆپیشاندەرانى سلێمانى-ن بۆ ئەوەى پێکەوە بەرەو بازگەى دێگەڵە بەڕێبکەون.
دواى ئەو رێگرییەش لە بازگەى دێگەڵەش بەهەمان شێوە رێگرى لەو مامۆستا و فەرمانبەرانە کرا کە لە سلێمانى و ئیدارەى راپەڕین و شارۆچکەکانى دیکەوە بەمەبەستى بەشداربوون لە خۆپیشاندانى هەولێر روویان لەو شارە کرد.
