بەڕێوەبەرایەتیی گشتیی پەروەردەی هەڵەبجە رایدەگەیەنێت، بەهۆی ناسەقامگیریی كەشوهەواوە، سبەی لە سەرجەم ناوەندەكانی خوێندنی سنووری پارێزگاكە كرایە پشوو.
بەپێی راگەیەندراوێكی بەڕێوەبەرایەتیی گشتیی پەروەردەی هەڵەبجە كە وێنەیەكی دەست تۆڕی میدیایی ئێستا كەوتووە و تێیدا هاتووە، بەپشتبەستن بە پێشبینییەكانی دامەزراوەی كەشناسی و بوومەلەرزەی هەرێمی كوردستان و دۆخی كەشوهەوای ناوچە جیاجیاكانی كوردستان و بەفربارین و سەرما و لەپێناو پاراستنی سەلامەتیی گیانی خوێندكاران و قوتابیان و مامۆستایان سبەینێ كرایە پشوو.
هەر لە راگەیەندراوەكەدا هاتووە، پشووەكە سەرجەم باخچە و خوێندنگەكانی سنووری بەڕێوەبەرایەتيی گشتیی پەروەردەی هەڵەبجە دەگرێتەوە.
