بەشی هەڵسەنگاندن و بەدواداچوونی بۆردی راگەیاندنی یەكێتیی نیشتمانیی كوردستان وەڵامێكی توندی پێشەوا هەورامانی دەداتەوە و دەڵێت،”پێشەوا هەورامانی بەناو وتەبێژی حكومەتی هەرێمی كوردستان، بەبێ رەچاوكردنی هەلومەرجی ئێستای هەرێم، بەبێ ئەوەی بزانێت كە یەكێتی و پارتی خەریكی دانوستانن بۆ پێكهێنانی كابینەی نوێ، لەدیدارێكی تەلەفزیۆنیدا لەگەڵ كەناڵێكی رەسمیی پارتی هێرشدەكاتە سەر یەكێتی”.
ئاماژەی بۆ ئەوەش كردووە، پێشەوا هەورامانی لەپەیامێكی هەرزەكارانەدا، رەخنە لەیەكێتی دەگرێت و ناوی سەرۆك بافڵ جەلال تاڵەبانی دێنێت و دەڵێت “پێویستی نەدەكرد بافڵ تاڵەبانی بەیاننامە دەربكات و پشتگیری لە مانگرتنی مامۆستایانی سلێمانی بكات، لەبەرئەوەی قسەكانی پێشەوا هەورامانی ئەوەندە نالۆژیكی و كرچ و كاڵە كە هیچ وەڵامدانەوەیەك هەڵناگرێت.
بۆردی راگەیاندنی یەكێتی دەشڵێت، “بۆیە وەڵامی نادەینەوە و تەنها پێی دەڵێین تا تێدەگەیت كە بۆچی سەرۆك بافڵ تاڵەبانی پشتگیری لەمافە رەواكانی مامۆستایان و فەرمانبەرانی هەرێمی كوردستان دەكات هەر خەریكی ئیش و پیشەكەی خۆتبە كە ماشەڵڵا زۆر بەخەستی دەیكەیت و پسپۆڕیت لێوەرگرتووە”.
