جێگرى سەرۆک وەزیران رایدەگەیەنێت، دواى هەموارى یاساى بودجە زەمینەیەکى لەبار بۆ چارەسەرى ریشەیى کێشەى مووچە دروستبووە.
قوباد تاڵەبانى، جێگرى سەرۆک وەزیرانى هەرێم رایگەیاند، لە دوای پەسەندکردنی هەمواری یاسای بودجە زەمینەیەکی لەبار بۆ چارەسەرکردنی ریشەیی و هەمیشەیی کێشەی بودجە و مووچە دروستبووە.
وتیشى، “لە هیچ هەوڵێک درێغی ناکەین بۆ دابینکردنی شایستە داراییەکانی هاوڵاتییانی کوردستان”.
ئەو وتانەى جێگرى سەرۆک وەزیران ئەمڕۆ لە هەولێر لەمیانەى کۆبوونەوەیدا بوو لەگەڵ یاکۆ بیرێندز، کونسوڵی گشتیی هۆڵندا لە هەرێمی کوردستان کە تیایدا گفتوگۆ لەبارەی پەیوەندییەکانی نێوان هەرێم و بەغداد کرا.
