دەزگای ئاسایشی هەرێم لە راگەیەندراوێكدا چەند رێنماییەك دەداتە گەشتیاران و بەكاهێنەرانی كارتە بانكییەكان لە فڕۆكەخانە و دەروازە سنوورییەكان
دەزگای ئاسایشی هەرێم لە راگەیەندراوێكدا بڵاویكردەوە، سەبارەت بە بەكارهێنەرانی كارتە بانكییەكان لە دەروازە سنوورییەكان و فڕۆكەخانەكان پێویستە گەشتیار جگە لە كارتی بانكی خۆی نابێت هەڵگری هیچ كارتێكی دیکە بێت، بە پێچەوانەوە تۆمەتبارە بە یاسای سپیكردنەوەی دراو و پارەداركردنی تیرۆر ژمارە (39ی ساڵی 2015).
ئاماژەی بەوەشكردووە، ئەگەر گەشتیار هەڵگری چەند كارتێكی بانكی بوو كە بە ناوی خۆیەوە نەبوو، گەشتیار و خاوەنی كارتەكان بەرپرسیارن بەرامبەر بەیاسا و كارتە بانكییەكان دەستی بەسەردا دەگیرێت و بلۆك دەكرێن.
لە رێنماییەكی دیكەشدا دەڵێت، كڕینەوە یان بەكرێدانی كارتە بانكییەكان كارێكی نایاسایی یە، بە پێچەوانەوە مامەڵەكار و خاوەنی كارتەكە ڕووبەووی یاسا دەكرێنەوە.
ئاشكراشیكردووە، داواكارین لە هاوڵاتییان پارێزگاری لە بەڵگەنامە كەسییەكانیان بكەن، ڕێگانەدەن بۆ ئەم مەبەستە بەکاربهێنرێت.
