وەزارەتی دارایی هەرێم رایگەیاند، لە نزیکترین کاتدا مووچە دابەشدەکەین.
وەزارەتی دارایی و ئابوریی هەرێم لە راگەیەندراوێکدا بڵاویکردەوە، رۆژی سێشەممە بڕی (958,012,332,759)دینار وەک شایستەی مووچەی مانگی کانوونی دووەمی ساڵی 2025ی فەرمانبەران و مووچەخۆرانی هەرێمی کوردستان، لەلایەن وەزارەتی دارایی حکومەتی فیدراڵەوە خرایە سەر هەژماری بانکیی وەزارەتی دارایی و ئابوریی هەرێمی کوردستان لە لقی هەولێری بانکی ناوەندیی عێراق.
باس لەوەشدەکات، “تیمەکانی وەزارەتی دارایی سەرقاڵی تەواوکردنی رێکارەکانی وەرگرتنی تەمویلەکەن و لەنزیکترین کاتدا دەست بە دابەشکردنی مووچە دەکرێت”.
