لە بەغدادەوە زیاتر لە 950 ملیار دینار گەیشتە هەرێم و وتەبێژی حکومەت دەڵێت، “بەو پارەیە مووچەی مانگی یەک دابەشدەکەین”.
پێشەوا هەورامانی، وتەبێژی حكومەتی هەرێم لە راگەیەندراوێكدا بڵاویكردەوە، وەزارەتی دارایی حكومەتی فیدراڵی بە یەك گوژمە بڕی (958,012,332,759)ملیار دیناری خستە سەر هەژماری وەزارەتی دارایی هەرێم.
باسی لەوەشکرد، “لەزووترین كاتدا وەزارەتی دارایی لیستی مووچەی مانگی یەك بڵاودەكاتەوە و دەست بە دابەشكردنی مووچەی ئەو مانگە دەكرێت”.
تائێستا مووچەی مانگی 12ی ساڵی رابردووی فەرمانبەر و مووچەخۆرانی هەرێم دابەشنەکراوە و چارەنووسی مووچەی سێ مانگی کۆتایی ساڵی 2023 بە نادیاری ماوەتەوە.
