سۆران عومەر ئەندامی ئەنجومەنی نوێنەرانی عێراق رایگەیاند، داواكاریی مامۆستایانی مانگرتووی سلێمانیمان گەیاندە محەمەد شیاع سودانی سەرۆك وەزیرانی عێراق و د. مەحمود مەشهدانی سەرۆكی ئەنجومەنی نوێنەرانی عێراق.
لە نووسراوەكەدا ئاماژە بۆ ئەوە كراوە، كە ژمارەیەك مامۆستا لە بەردەم بارەگای نەتەوەیەكگرتووەكان لە سلێمانی مانیان لە خواردن گرتووە و داوای جێبەجێكردنی بڕیاری دادگای فیدراڵیی عێراق دەكەن كە تەوتینكردنی مووچەی مووچەخۆرانە.
ئەوەش خراوەتەڕوو كە مووچەخۆران داوادەكەن مووچەكانیان لە ململانێ سیاسییەكان دووربخرێتەوە.
