ئەندامێکی پەرلەمانی کوردستان رایگەیاند، “خاوەنانی هەژماری دزی دەبێت لە پەرلەمان سزابدرێن”.
هەردی سەڵاح، ئەندامی پەرلەمانی کوردستان رایگەیاند، کەسانێک و سەرانێک لەو حکومەتە فاشیلە کە بە دەس پیس و دز ناویان رۆیشتووە و خەڵکی هەرێمی کوردستان و بەغدادیش هیچ متمانەیەکیان پێیان نییە، هۆکاری ئەو بێ مووچەیی و دۆخە خراپەی خەڵکن، لە کاتێکدا پەرلەمان لە دۆخی ئاسایی و کارایی خۆیدا بێت، دەبێت سزایان بدات.
دەشڵێت، دەبێت پەرلەمان چیتر رێگە نەدات ئەوانە دەم سپیی خەڵک بن و بە قسەی سەردەستە دزەکەیان بەناوی خەڵکی کوردستان بچنە بەغداد و لەپێناو هەژمارێکی دزی، سەردەستە دزەکەیان یاری بە قووت و چارەنووسی ئەو میللەتەوە بکات.
