نوێنەری گشتیی مامۆستایانی گرێبەست رایدەگەیەنێت، هەفتەی داهاتوو مامۆستایانی گرێبەست لەبەردەم ئەنجومەنی وەزیرانی هەرێم خۆپیشاندان ئەنجامدەدەن و داوای مووچەی مانگەكانی 7 و 8 دەكەن.
عەلی رەئووف، نوێنەری گشتیی مامۆستایانی گرێبەست رایگەیاند، رۆژی دووشەممەی داهاتوو كاتژمێر 10ی بەیانی مامۆستایانی گرێبەست لەبەردەم بینای ئەنجومەنی وەزیران لە هەولێر خۆپیشاندان ئەنجامدەدەین، پێشتر وەك بەڵێنماندابوو كە ئەگەر مووچەی مانگەكانی 7 و 8 تاوەكو كۆتایی ئەم هەفتەیە نەدرێت خۆپیشاندان ئەنجامدەدەین.
وتیشی، “بۆ مامۆستایان لە پەروەردەكانی زاخۆ، ئامێدی، سێمێل، شەنگال، پەروەردەی رۆژهەڵات و رۆژئاوا رۆژی دووشەممەی داهاتوو كاتژمێر 10ی بەیانی لە بەردەم پەروەردەی گشتيی دهۆك خۆپیشاندان ئەنجامدەدرێت”.
