كەمێك پێش ئێستا ڕێگای سەر چیای بەرانان وەكو بەدیلی تونێلی دەربەندیخان بەڕووی شۆفێراندا كرایەوە، بەڵام بۆ ئۆتۆمبێلی بارهەڵگر ڕێگایەكە مەترسیدارە.
پەیامنێری تۆڕی میدیایی ئێستا لە دەربەندیخان گواستییەوە دوای ئەوەی ئەمڕۆ پێنجشەممە تانكەرێكی گواستنەوەی سووتەمەنی كە نەفتای تێدابووە لە بەردەم تونێلی دەربەندیخان وەرگەڕا و گڕیگرت هاتوچۆكردن لە تونێلی دەربەندیخان داخرا.
ئاشكرایكرد، ئێستا ڕێگای سەر چیای بەرانان وەكو بەدیلی تونێلی دەربەندیخان بەڕووی شۆفێراندا كرایەوە، بەڵام بۆ ئۆتۆمبێلی بارهەڵگر ڕێگایەكە مەترسیدارە .
ئاماژەی بەوە كرد، بەهۆی داخستنی ڕێگای تونێلی دەربەندیخانەوە ژمارەیەكی زۆر لە ئۆتۆمبێلی بارهەڵگر لەناو قەزای دەربەندیخان گیریانخواردووە و پێناچێت ڕێگای تونێلی دەربەندیخان بە زوویی بە ڕووی شۆفێراندا بكرێتەوە.
