پەرلەمانتارێکی عێراق رایدەگەیەنێت، هەمواری یاسای بودجە چارەسەری بەشێک لە کێشە هەڵپەسێردراوەکانی نێوان هەرێم و بەغداد دەکات بەتایبەت کێشە دارایی و نەوتییەکان.
عەلاوی بەنداوی پەرلەمانتاری عێراق رایگەیاندووە، گفتوگۆی نێوان لایەن و حزبە سیاسییەکان لەپێناو تێپەڕاندنی هەمواری یاسای بودجە بەردەوامن، بۆ ئەوەی بتوانین لە دوو رۆژی ئایندەدا بەبێ هیچ لەمپەڕێک کۆتاییپێبهێنین.
ئاماژەی بەوەشکرد، هەمواری ئەو یاسایە چارەسەری بەشێک لە کێشەکانی هەرێم و بەغداد دەکات بە تایبەت دارایی و نەوتییەکان، جگە لەوەش دەبێتە هۆی ئەوەی خشتەی بودجە بە خێرایی بهێنرێتە پەرلەمان، چونکە لە ئێستادا حکومەت چاوەڕێیە هەموارەکە تێپەڕێت بەپێی ئەوە خشتەی بودجە رەوانە بکات.
