پاسێكی عومرەكارانی كورد لە سنووری سعودیە دووچاری رووداوی هاتوچۆ بووە و بەهۆیەوە عومرەكارێك گیانیلەدەستداوە و 13 عومرەكاری دیكەش برینداربوون.
نەبەز ئیسماعیل، وتەبێژی وەزارەتی ئەوقاف و كاروباری ئایینیی هەرێم لە لێدوانێكدا بە تۆڕی میدیایی ئێستای راگەیاند، پاسێكی عومرەكانی كورد لە سنووری سعودیە دووچاری رووداوی هاتوچۆبوو و بەهۆیەوە عومرەكارێك گیانیلەدەستدا و 13 عومرەكاری دیكەش برینداربوون كە برینی دووانیان سەختە.
وتیشی،”پاسەكە لەگەڵ بارهەڵگرێكدا دووچاری رووداوی هاتوچۆ بووە و دوو سەرنشینی بارهەڵگرەكەش گیانیان لەدەستداوە”.
وتەبێژی وەزارەتی ئەوقاف و كاروباری ئایینیی هەرێم جەختیكردەوە و وتیشی، “عومرەكارەكان خەڵكی قەزای چەمچەماڵ و دەوروبەری بوون”.
