لە قەزای چۆمان گەنجێک کە شۆفێری ماتۆڕسکیلێک بووە، دەکەوێتە ناو رووبارێکەوە و گیان لەدەستدەدات.
ئەمڕۆ دووشەممە، بەرگری شارستانی سۆران رایگەیاند، لە دەروازەی قەزای چۆمان گەنجێک کە شۆفێری ماتۆڕسکیلێک بووە، بەهۆی کەوتنە ناو رووبارێکەوە و گیانی لەدەستدا.
ئاماژەی بەوەشداوە، دوای ئەوەی لە رووداوەکە ئاگادارکراینەوە راستەوخۆ تیمەکانمان لە بنکەی بەرگری شارستانی چۆمان گەیشتوونەتە شوێنی ڕووداوەکە.
دەشڵێن، گەنجەکە تەمەنی 16 ساڵە و خوێندکار بووە، دوای دەرهێنانی تەرمەکەی راستەوخۆ رەوانەی نەخۆشخانەی چۆمان کراوە.
