ئەستێرەی فەرەنسی یانەی فیۆرنتینا و پێشووی یانەی بایرن میونشن، فرانک لامپارد پەیامێک ئاڕاستەی لیرۆی سانێ و داڤید ئالابای یاریزانانی بایرن دەکات و داوایان لێدەکات خۆڕاگربن.
باڵە فڕیوەکەی فیۆلا لە چاوپێکەوتنێکدا بە بێلد سپۆرتی ئەڵمانی ڕاگەیاندووە، ” گەڕانەوە لە پێکانێکی قورس ئاسان نییە، ئەو کاتەی یاریزانان پێیەکانیان دەخەنە ناو یاریگاوە، پێویستە هەموو وزە و توانای خۆیان بەکاربخەن، بۆ نمونە لیرۆی سانێ ئەگەر لە 60 خولەکدا باشترین ئاستی پێشکەشبکات، دەتوانێت بۆ 30 خولەک داوای یاریزانێکی نوێ بکات بۆ پێگەکەی، ئەوەش لاوازی نییە، بەڵکو نیشانەی بوێری و کوالیتی و بەهرەداریەتی”.
ڕیبێری وەک ئەزمووندارێک لە بایرن، دەڵێت، ” یاریزانانی وەک کۆمان و سێرج گنابری ماوەیەکی زۆرە لە بایرنن و باشتر لە فەلسەفەی ڕاهێنەر تێدەگەن، سانێ لە مانچستەر سیتیەوە هاتووە، لەو یانەیە کوالیتی و هێزی خۆی سەلماندووە، بەڵام تۆپی پێ ئاسان نییە و چەندین فاکتەری پەیوەندیدار هەیە بە ئاستی یاریزانانەوە، پێویستە چوار باڵەکەی بایرن هاوکاری و پاڵپشتی یەکدی بکەن، ئەگەر ببیتە یاریزانێکی یەدەگ پێویست ناکات سەرشۆڕ بکەیت، چونکە هەر یەکێک لەو یاریزانانە دەتوانن لە 20 خولەکدا گۆڕانکاری دروستبکەن”.
ئەستێرە دێرینەکەی فەرەنسا لەبارەی داڤید ئالاباوە دەڵێت، ” دەیڤید تاوەکو ئێستا یاریزانی بایرنە، دووجار سێ نازناوەکەی بەدەستهێناوە، یاریزانێکی زیرەکە و لە تافی لاوی دەرچووە، لە بواری تۆپی پێدا ناوێکی گەورەی هەیە و هەموو شتێکی بردووەتەوە، هەمیشە باڤاریا لە پشتی بووە و پەیوەندیان توندوتۆڵ بووە، پێموایە چارەسەر ئەوەیە هەردوو جەمسەرەکە بە ڕێککەوتنێک بگەن، بەڵام هەندێجاریش ڕێککەوتن ڕوونادات، ئەوە ژیانە، ئەوە تۆپی پێیە”.
