سۆران عومەر، ئەندامی ئەنجومەنی نوێنەرانی عێراق رایگەیاند، هیچ رێككەوتنێك بۆ ناردنی مووچەی مانگی یەك نەكراوە و هەرێم ئامادەیی دەبڕیوە 50%ی داهاتەكان رادەستی حكومەتی عێراق بكات و گفتوگۆ لەسەر مووچەی مانگی 12ی ساڵی رابردوو بەردەوامە.
وتیشی، “هەرێم بۆ هەموو مانگێك پێویستی بە یەك ترلیۆن دینار بۆ مووچە هەیە كە پێویستە مانگانە یەك ترلیۆن و 70 ملیار دینار بۆ مووچە بنێردێت و لێبڕینی مووچە و ئەو پارەیەی دەگەڕێتەوە بۆ سندووقی خانەنشینی”.
راشیگەیاند، وەزارەتی دارایی عێراق كار بە رێنمایی و ماددەكانی یاسای بودجە دەكات و ئەو گرفتەی كە هەبووە نەبوونی تەرخانكراوی داراییە بۆ گرێبەستەكان و هاوتاكردنی مووچەی خانەنشینی لە هەرێم.
ئەو پەرلەمانتارە جەختیكردەوە وتیشی، “هیچ رێككەوتنێك بۆ ناردنی مووچەی مانگی یەك نەكراوە و گفتوگۆكان لەسەر مووچەی مانگی 12ی ساڵی رابردوو بەردەوامە”.
