بریكاری وەزارەتی نەوتی عێراق رایدەگەیەنێت، ئەگەر هەرێم و بەغداد لەسەر هەناردەكردنەوەی نەوت رێكبكەون هەردوولا براوە دەبن.
د. عیزەت سابیر، بریكاری وەزارەتی نەوتی عێراق لە دیدارێكی تەلەفزیۆنیدا رایگەیاند، دەبووایە هەرێم رۆژانە 400 هەزار بەرمیل نەوت رادەست بكات و ئەو بڕە نەوتە نەدراوە بە كۆمپانیای سۆمۆ و عێراقیش لەبەرامبەردا بودجە نانێرێت و هەموو مانگێك وەزارەتی نەوتی عێراق بە راپۆرتێك وەزارەتی دارایی عێراق ئاگاداردەكاتەوە كە نەوتی هەرێم رادەست نەكراوە.
وتیشی،” حكومەتی عێراق و هەرێم پابەندییەكانی سەر شانیان لە یاسای بودجەدا جێبەجێنەكردووە و ئەگەر هەرێم و بەغداد لەسەر هەناردەكردنەوەی نەوت رێكبكەون هەردوولا براوە دەبن”.
