كۆرۆنا چ گۆڕانكارییەكی بەسەر كاركردندا هێناوە؟

یەكێك لەو كەرتانەی بەهۆی كۆرۆناوە گۆڕانكاریی گەورەی بەسەردا هاتووە كەرتی كار و بزنسە، بەجۆرێك پێش و پاش پەتای كۆرۆنا گۆڕانكاری بەسەر جۆری كاركردندا هاتووە.

بەگوێرەی ئەو ڕاپرسییەی كە پێگەی گارتنێر لەبارەی كاركردن لە پێش و پاش پەتای كۆرۆناوە ئەنجامیداوە دەركەوتووە، كاركردن بە ئۆنلاین و دوور لە بنكەی سەرەكی بەڕێژەیەكی خەیاڵی زیادی كردووە.

لەو ڕاپرسییەدا دەركەوتووە، پێش كۆرۆنا تەنها 10%ی كۆمپانیاكان ڕێگایان داوە كارمەندەكانیان بەشێوەی ئۆنلاین و دوور لە ئۆفیس كار بكەن.

هەروەها ئەوەش دەركەوتووە، لە كاتی كەرەنتینی گشتی و بڵاوبوونەوەی ڤایرۆسی كۆرۆنا بە چڕی و بەتایبەت لە مانگی ئازاری 2020دا 88%ی كۆمپانیاكان ڕێگایان داوە كارمەندەكانیان بە ئۆنلاین كار بكەن.

لەو ڕاپرسییەدا ئاشكرا بووە، 48%ی كۆمپانیاكان بریاریانداوە لە پاش كۆرۆناش بە شێوەیەكی بەردەوام كارمەندەكانیان بەشێوەی ئۆنلاین و دوور لە شوێنی كاركردن كارەكانیان بكەن.

ئەو ڕاپرسییە لەنێو 317 بەڕێوبەری جێبەجێكار و 5 هەزار فەرمانبەر و 421 پسپۆڕی سەرچاوە مرۆییەكان ئەنجامدراوە.

بابەتی پێشتر

بەهۆی کەمبوونەوەی یەدەگی ئەمریکا نرخی نەوت بەرزبووەوە

بابەتی دواتر

وەزارەتی بازرگانیی عێراق و هەرێم لە کۆبوونەوەدان

بابەتی پەیوەندیدار
زیاتر ببینە

بەریتانیا.. لێكۆڵینەوە لەسەر نوێكردنەوەی شوقەی سەرۆكوەزیران دەكرێت

كۆمسیۆنی هەڵبژاردنی بەریتانیا ڕایدەگەیەنێت، لێكۆڵینەوە لەسەر نوێكردنەوەی شوقەكەی سەرۆكوەزیرانی شانشینی یەكگرتوو دەكات. كۆمسیۆنەكە ئەمڕۆ چوارشەممە بڵاویكردەوە، لێكۆڵینەوەی دەستپێكردووە…