هەسەدە لە نوێترین ئاماری روبەرووبوونەوەی هێزەکانی لەگەڵ گروپە چەکدارەکاندا رایگەیاند “23 چەکدار کوژران و پێنج ئۆتۆمبێلی زرێپۆش تێکشکێندرا”.
هێزەکانی سوریای دیموکرات “هەسەدە” رایگەیاند، لە ئەنجامی رووبەرووبوونەوەی هێزەکانمان لەگەڵ گرووپە چەکدارەکانی نزیک لە تورکیا لە باشور و رۆژهەڵاتی مەنبج، 23 چەکدار کوژران و 10 چەکداری دیکەش برینداربوون.
ئاماژە بەوەشدراوە، لەدرێژەی رووبەروونەوەکاندا کۆمەڵێک چالاکی و جموجۆڵی سەربازیی گرنگ ئەنجامدرا کە خۆی دەبینێتەوە لە: “تێکشکاندنی پێنج ئۆتۆمبێلی زرێپۆش و دوو ئۆتۆمبێلی گواستنەوە و بەئامانجگرتنی 17 شوێن کە تایبەتبوون بە مانەوەی چەکدارەکان”.
دەشڵێت، دەوڵەتی تورکیا بەردەوامە لە ئەنجامدانی هێرشی ئاسمانی بۆ دەورووبەری بەشێکی ناوچە کوردییەکان و گوندەکانی بەنداوی تشرین.
