پڕۆسەی ئەنجامدانی ئاگربەست لە غەززە خێراتردەبێت و سەرۆکی ئەمریکاش دەڵێت،”هەنگاوەکان زۆر نزیکن”.
دۆناڵد ترامپ سەرۆکی هەڵبژێردراوی ئەمریکا لە نوێترین لێدوانیدا رایگەیاند، پرۆسەی بەستنی ئاگربەستی غەززە بەرەوپێشچوونی بەخۆیەوە بینیوە و هەنگاوەکان زۆر نزیکن، هەربۆیە پێشبینی دەکرێت لەم هەفتەیەدا ئەنجامبدرێت.
هاوکات، پڕۆسەی ئەنجامدانی ئاگربەستەکە، بە نێوەندگیریی وڵاتی قەتەر ئەنجامدەدرێت، کە لەماوەی رابردوودا میری وڵاتەکە لەگەڵ شاندێکی باڵای “ئیسرائیل و حەماس” کۆبووەتەوە و گفتووگۆ لەسەر بابەتەکە ئەنجامدراوە و رەشنووسێکی تایبەت بە ئاگربەستەکە نووسراوەتەوە.
بەپێێ زانیارییەکان، مەرجی سەرەکی بۆ جێبەجێکردنی ئاگربەستەکە بریتییە لە ئازادکردنی سەرجەم بارمتەکان، کە لەلایەن هێزە چەکدارەکانی هەردوولا دەستگیرکرابوون.
ئەمە لە کاتێکدایە، جەنگی نێوان حەماس و ئیسرائیل لە 7ی تشرینی یەکەمی 2023 دەستیپێکرد، کە تیایدا دەیان هەزار کەس گیانیان لەدەستدا و هەزارانی تریش برینداربوون.
