بەڕێوەبەرایەتیی پۆلیسی پارێزگای سلێمانی بڵاویکردەوە، لەسەر سكاڵای دوو هاوڵاتی و لە لایەن مەفرەزەكانی نەهێشتنی تاوانەوە دوو تۆمەتبار لەسەر دزیکردن دەستگیركران .
پۆلیس ئاماژەی بەوەکردووە، دوای ئەوەی دوو هاوڵاتی سكاڵایان تۆماركرد كە لەیەكێك لە پڕۆژە نیشتەجێبووەكانی شاری سلێمانی پارە و ئاڵتونیان لێدزراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر توانرا لە لایەن مەفرەزەكانی نوسینگەی نەهێشتنی تاوانی كوردساتەوە تۆمەتباران بدۆزرێنەوە و دەستگیربكرێن.
بەگوێرەی راگەیەندراوەکەی پۆلیس، لە كاتی دەستگیرکردنی تۆمەتباراندا دەستگیرا بەسەر بڕێك دۆلاری ئەمریكی و ئاڵتوندا و تۆمەتباران کە لەدایکبووی 2003 و 2006 بوون بە بڕیاری دادوەر و بەپێی مادەی 443 لە یاسای سزادانی عێراقی راگیراون.
